Makatwiran ang sentimyento ng mga make-up artists at stylists sa batang aktres, bukod kasi sa naaapektuhan na ang kanilang trabaho ay mahirap na rin siyang katransaksiyon ngayon, may sariling mundo na raw ang young actress?

“Ang bilis! Ang bilis-bilis niyang naapektuhan, masyado na siyang feeling ngayon porke marami siyang projects, pero teka naman muna, panalo ba naman ang mga proyektong ginagawa niya?

“Nakakaloka, puro flopsina nga ang mga ginagawa niya, ‘di ba? Meron isang uminit sa publiko, pero hindi niya naman puwedeng solohin ang credit, dahil ang dami-daming nilang bida sa movie na ‘yun!

“Pero parang nasa ulo na niya ‘yun ngayon, apektado na siya, lumalabas na ang kung anu-anong kaartehan niya!” simulang kuwento ng aming source.

Masamang-masama ang loob ngayon ng isang make-up artist sa batang aktres. Napakaaga kasi nitong nagpunta sa lugar na sinasabi niya, pero bigla na lang nakatanggap ng mensahe ang make-up artist na hindi na pala siya darating, tinatamad daw kasi siya.

“Nakakaloka siya ‘di ba? Napakaaga niyang inabala ‘yung tao, lugar na matutulog pa, pero nagpunta nang napakaaga sa lugar na sinasabi niya, only to find out na hindi pala siya darating dahil tinatamad lang siya?

“Mabuti nga at may natanggap pang text sa kanya ‘yung make-up artist, eh, ‘yung iba kayang ginanu’n niya? Ano ba ang ginagawa niya sa isang stylist? Ganu’n din!

“Pero hindi man lang niya kinontra-abiso ‘yung tao na pinapunta niya nang napakaaga, napanghal sa kahihintay sa kanya ‘yung stylist, kundi pa tinawagan nu’ng stylist ang PA ni ________ (ang feeling-feeling nang batang aktres), eh hindi pa niya malalaman na wala naman pala siyang hinihintay!

“Kaya ngayon, nahihirapan na siyang humana ng mag-aayos sa kanya, nakuryente na kasi sila sa girl, bukod sa napakaliit na nga naman kasi ng pagkakilala sa kanila, eh, masyado pang naaabala ang panahon nila!” kuwento pa ng aming impormante.

Pahabol pa ng aming source tungkol sa young actress, “Ako, hindi ako naniniwala na yumabang na siya, nalulunod na siya sa isang basong tubig, mas naniniwala ako na meron siyang matinding problema ngayon.

“Meron siyang pinagdaraanan, may kailangan siyang ayusin ngayon sa buhay niya, kailangang mauntog agad siya sa katotohanan habang maaga pa. ‘Yun lang po. ‘Yun lang po. ‘Yun lang po talaga,” sinserong pahayag ng aming impormanteng nagmamalasakit sa batang aktres.

Aba naman, Tita Nene Ulanday, huwag n’yong sabihing magpapahuli kayo sa panghuhula? Kayo pa, ayaw ni Tito Abel ng ganyan, kailangang hindi kayo maupo ngayon sa Row 4 na katabi ng mabahong basurahan.

Share and Enjoy

Share and Enjoy

Kailangan siyang disiplinahin ng produksiyon, hindi sapat ang talento lang niya, kailangan niyang sumunod sa mga pinaiiral na disiplina para walang maging problema sa kanyang trabaho.

Kuwento ng aming source, “Nakitira siya sa bahay ng isang kaibigan niyang bading, napakabait sa kanya nu’ng owner ng house, labas-masok siya ru’n nang hindi siya kinukuwestiyon.

“Inuutangan niya ‘yung kasera niya, give lang naman nang give ‘yung kaibigan niya, wala namang problema ‘yun dahil may work naman siya. Pero puro dagdag lang ang alam niya, walang bawas, hanggang sa lumaki na ang utang niya sa friend niya,” simulang kuwento ng aming impormante.

Kinutuban na ang kaibigan ng bading na komedyante, marami na kasi itong naririnig na may mga bisyo ang kanyang kaibigan, kinompronta nito ang komedyante pero nagdeny lang.

“Marami na kasing nagsasabi ru’n sa bading na may ginagawang hindi maganda ang kaibigan niya. Umaga na siya kung umuwi, sumisikat na ang araw, kung minsan nga tanghali na.

“Pinabayaan lang muna si ________(pangalan ng bading na stand-up comedian) ng friend niya. Utang naman siya ng utang, nagtataka na ang kaibigan niya kung saan napupunta ang kinikita niya na kalakihan din naman.

“Nalaman ng friend niya, bukod sa pagsusugal, may iba pa palang bisyo ang badush, meron siyang mga kaibigang mahilig ding makipaghabulan sa usok na tulad niya.

“Natural kinompronta na siya ng kaibigan niya, hindi nga naman puwede ang ganu’n, kailangang bitiwan niya ang bisyong sumisira sa buhay at career niya. Hindi ‘yun nagustuhan ng bading, nagalit pa siya.

“Isang araw, nagising na l ang ang friend niya na umalis na pala siya, wala na ru’n ang mga kagamitan niya, unti-unti na pala niyang dinadala kapag umaalis siya.

“Meron pa siyang ilang kagamitan du’n sa bahay ng friend niya, pero patapon na, hindi na pakikinabangan pa. Galit ang kaibigan niya dahil umalis na siya nang walang paalam, eh nag-iwan pa siya ng utang.

“Ni hindi man lang siya nahiya ru’n sa tao, samantalang nu’ng wala siyang matirahan, ang kaibigan niya ang sumalo sa kanya. Galit na galit ngayon sa kanya ‘yung bading!

“Dapat lang daw pala siyang tanggalin sa sikat na variety show na nagbigay ng magandang chance sa kanya, pero binalewala rin niya. Wala siyang kahihiyan, wala siyang disiplina, pinabayaan niya ang career niya,” nakataas pa ang kilay ng kuwento ng aming impormante.

Huling hirit ng aming source, “Sayang siya, magaling pa naman siyang kumanta at magpatawa. Bigtime na ang ibinigay na chance sa kanya, pero sinayang pa niya. Ano ba ang gusto niya, ang makipag-chacha na lang sa mga bisyo niya?”

Anak-anakang Wheyee Lozada, aminin mo ang totoo, hindi ka mauupo ngayon sa Row 4 na katabi ang mabahong basurahan dahil kilalang-kilala mo kung sino ang mala-wrestler na stand-up comedian na bida sa kuwentong ito.

Share and Enjoy

Share and Enjoy