BULGAR » Sports

Titiyakin ni Timothy Bradley hihingi ng Rematch si Manny Pacquiao after ng laban nila sa June 9

Mateo Culalic — Sun, 13 May 2012 16:52:31 +0000

BAGAMAT, malayo pa ang laban nila pero tinitiyak ni Timothy Bradley kay welterweight champion Manny Pacquiao na magkakaroon sila ng rematch.

Sinabi ng isang kumpiyansang si Bradley sa Fight Saga na kung magwawagi siya sa Hunyo 9, bibigyan niya si pacquiao ng tsansa na mang-agaw muli ng korona.

“If the first one was good, the second one will be even better,” pagyayabang ni Bradley.

Unbeated ang American boxer na may palayaw na “Dessert Storm,” sa 29 na laban.

Naniniwala si Bradley na taglay niya ang husay at tikas para masorpresa ang 8-division champion mula sa Pilipinas.

“Once I get in the ring, with Manny Pacquiao, I’ll have him dialed in about 30 seconds. He won’t want to be in the ring with me after that,” aniya.

Si Bradley, ang WBO Junior welterweight champion ay aakyat ng 147 pound division para hamunin si Pacquiao.

Nakataya rin sa laban sa MGM Grand Las Vegas, Nevada ay ang WBO Welterweight crown ni Pacquiao.

“Hey, if Pacquiao wants to do it again, I have no problem with that,” ani Bradley. “And if we go at it again (in rematch), he’s definitely gonna taste the canvas in that one.”

Share and Enjoy

• Facebook • Twitter • Delicious • Digg • StumbleUpon • Add to favorites • Email • RSS

Sparmate ni Manny Pacquiao kinapos sa stamina at lakas ng Pinoy Champion, di nakahinga

Mateo Culalic — Mon, 30 Apr 2012 11:57:15 +0000

NGAYON pa lang ay dama na sa sparring session ang lakas ni Manny Pacquiao at halos hinahabol ng kanyang Russian sparringmate na si Rusla Provodnikov ang hiniga sa 4th round.

Tanging mga protective device sa ulo at under the belt ang gamit ng Russian upang maiwasang mabasag ang kanyang ilong.

Naglagay din ang 28-anyos na si Provodnikov ng maliit na mouse sa ilalim ng kanan niyang mata matapos malasap ang malutong na kaliwang kamao ng World Boxing Organization Welterweight champion kakumbinasyon ang malakidlat na kanang suntok sa ikatlo at ikaapat na round.

Pero nabibigla rin si Pacquiao sa mala-Tim Bradley na kanang upak ng kanyang ka-sparring sa 3rd at 4th rounds kaya napupuri niya ang Russian sparmate na parang toro kung sumuwag ng suntok.

Maganda rin ang mga ngiti ni coach Freddie Roach habang ginagabayan si Pacquiao sa heavy bag, senyales na nasuri na niya nang husto ang lakas ng kanyang alaga.

Ang huling laban ng Russian ay noong Enero 28 nang payukuin si David Torres sa 6th round.

Sa lapad ng balikat at laki ni Provodnikov at tila mas malaki ito sa 147 pound bagamat sinabi ni assistant trainer Nonoy Neri na ang 8th division champion ay hindi malayo ang timbang.

“Wala namang 150 si Manny, siguro nasa 148 or 149,” ani Neri na nakaharap kay assistant trainer Buboy Fernandez.

“He’s very good. Malakas,” Kasing-style ni Bradley,” saad ni Pacquiao tungkol kay Timothy Bradley sa pagtaya ng kanyang 147-pound crown sa Hunyo 9 sa MGM Grand sa Las Vegas.

“Hindi tayo nagkamali ng pagpili ng sparring partner. Pakikinabangan natin siya,” dagdag niya.

Nakumpleto ni Pacquiao ang isang araw na workout sa 3 rounds sa heavy bag, 2 rounds sa double end ball, 2 rounds sa speed bag at 3 rounds sa skipping rope.

“Okay lang ako. Tama lang ang pag-start ng sparring two days earlier., aniya. ” Maganda nga napaaga ang pagbawas ng kalawang. Kung sa Sabado pa baka magkumahog sa bandang huli.”

Nakaiskedyul ang Team Pacquiao na bumalik sa Maynila matapos ang training session sa Huwebes. Ang paghahanda ay magbabalik sa Biyernes at Sabado sa susunod na Linggo sa Manny Pacquiao Gym sa Paquita St., Sampaloc, Manila.

Pagkaraan ay sa Sabado na ng gabi lilipad patunong Los Angeles, California ang team para ituloy doon ang training sa Wild Card Gym.

Share and Enjoy

• Facebook • Twitter • Delicious • Digg • StumbleUpon • Add to favorites • Email • RSS

Dahil maraming duda sa kakayahan niya, pagbabalingan ni Cotto si Mayweather, Jr.

Mateo Culalic — Mon, 30 Apr 2012 10:55:12 +0000

HINDI pinakikinggan ni Puerto Rican Miguel Cotto ang kanyang mga kritiko, bagkus at naniniwala siya na hihigitan pa niya si Floyd Mayweather, Jr. sa sandali ng kanilang sagupaan sa May 5 sa MGM Grand sa Las Vegas.

Sa kanyang pre-fight blog, sinabi ni Cotto na bagamat marami ang itinuturing siyang underdog laban kay Mayweather, Jr. pero aniya, bahala sila.

“I amm not concerned that some commentator somewhere thinks that Mayweather will KO me in four rounds, or some blogger thinks this is a waste of a fight, and that Mayweather should be fighting someone else,” saad ni Cotto.

” That’s not important, and that KO will not happen.”

Ani Cotto na ang komento mula sa mga pagdududa ay, “don’t affect me as a fighter.”

“If as a boxer, you’re playing attention to odds and bets and all that nonsense, then you’re not in the right sport. None of that is important when you and the other guy step into the ring,” dagdag niya.

Bagamat, siya ang undedog, nanatiling kumbinsido si Cotto na siya ang unang fighter na tatalo kay Mayweather, Jr.

Dedepensahan ni Cotto ang kanyang World Boxing Association Junior middleweight title laban kay Mayweather, Jr. na sasagupa sa 15 pounds sa unang pagkakataon mula noong 2007.

Share and Enjoy

• Facebook • Twitter • Delicious • Digg • StumbleUpon • Add to favorites • Email • RSS

Basta hati sa pay-per-view, Manny Pacquiao payag sa maliit na premyo kontra Mayweather

Mateo Culalic — Thu, 29 Mar 2012 09:34:05 +0000

MULING nagpahiwatig ng kanyang kagustuhan na sagupain ni 8th division world champion Manny “Pacman” Pacquiao si Floyd Mayweather, Jr. kahit na maliit pa ang makukuha niyang premyo, pero binigyang-diin niya na dapat silang pantay na maghati sa kikitain ng pay-per-view.

Ayon sa panayam sa kanya ng ANC, sinabi ni Pacquiao na kahit anong oras ay payag siyang makasagupa si Mayweather, Jr.

“Willing ako na lumaban sa kanya. Depende na lang sa kanya kung gusto niya akong labanan,” aniya.

Matatandaang noong Enero 11 ay nag-tweet si Mayweather, Jr. na hinahamon niya si Pacquiao, “Step-up, punk,” at sumang-ayon sa Mayo 5 na fight date.

Pero naudlot naman ang negosasyon matapos hindi na naman magkasundo sa petsa ng laban. Tumanggi rin si Mayweather, Jr. na bigyan si Pacquiao ng pantay na hatian sa Pay-Per-View revenue, isang bagay naman na hindi matanggap ng Pinoy boxer.

“Kung magkano ‘yung guaranteed niya, kahit hindi ko na pantayan. Basta 50-50 lang kami sa pay-per-view, walang problema,” ayon kay Pacquiao. Sinabi pa ni Pacquiao sa halip ay inalok siya ni Mayweather Jr., na mas maliit na premyo at wala pang share sa PPV revenue.

“Ang offer niya, eto ‘yung guaranteed (purse) ko, mababa. Eto ‘yung guaranteed (purse) niya. Tapos, wala na akong share sa pay-per-view. Lugi tayo rito,” aniya.

“Pag pumayag ako na wala akong pay-per-view, parang pagtatawanan ako ng mga tao na parang ganito kabobo si Manny Pacquiao,” dagdag niya.

Pero ayon kay Pacquiao, may rason din naman si Mayweather, Jr. kung bakit gusto niyang mas malaki ang mapupunta sa kanya.

“Sinabi niya sa team member ko na nag-visit sa kanya, sabi niya, ‘Pag hindi ako humingi ng malaki, eh kung matalo ako? Buti siya congressman ako boxing lang hanapbuhay ko,” kuwento pa ni Pacquiao.

At dahil wala na sa plano ang Mayweather Jr., fight, sumang-ayon na lang si Pacquiao na sagupain si Timothy Bradley, Jr.

“Undefeated siya at champion siya. Wala ng iba, eh,” ani Pacquiao.

Pero aniya, hindi dapat maliitin si Bradley lalo na’t matalino rin ang kanyang kalaban.

Share and Enjoy

• Facebook • Twitter • Delicious • Digg • StumbleUpon • Add to favorites • Email • RSS

Erik Morales, talo sa laban kay Danny Garcia sa unanimous decision

Mateo Culalic — Mon, 26 Mar 2012 19:19:58 +0000

MATANDA na rin siguro o sadyang laos na talaga si Hall-of-Famer at dating kampeon Erik Morales dahil hindi na rin niya napantayan ang lakas ng bata pa at undefeated na ngayon ay nakamit ang jr welterweight belt ni Danny Garcia na umiskor sa unanimous decision at makuha ang unang world title sa sagupaang idinaos sa Reliant Arena sa Houston, Texas.

Muli, pinatunayan ni Morales ang pagiging warrior sa ibabaw ng ring dahil halos gulatin niya ang kanyang mga upak ang nakababatang kalaban.

Subalit ang pagbagsak ni Morales sa round 11 ang sumelyo sa bagong WBC Jr. welterweight champion na si Garcia.

Sa round 1 ay tumipa agad ng 10-9 si Morales, pagdako sa round 2 ay nagpalitan sila ng upakan at nakaiskor pa rin si Morales ng 20-18, pagdako naman ng round 3 ay halos dumikit sa isang puntos sa 29-29 si Garcia, lamang pa rin mula round 4 hanggang round 7 si Morales, ngunit sa round 8 ay lumamang si Garcia 86-85, sumapit ang round 9 ay tumabla pa, ngunit nakubkob na mula round 10 hanggang round 12 ni Garcia ang iskor.

Tumapos sa opisyal na scorecards ang laban sa 117-110, 116-112, 118-109 pabor kay Garcia.

Share and Enjoy

• Facebook • Twitter • Delicious • Digg • StumbleUpon • Add to favorites • Email • RSS

Hirit ni Pacquiao hindi naman siya pinagbabawalan ni Lord na magboxing

Janice DS Navida — Mon, 26 Mar 2012 18:59:30 +0000

SA isang panayam na lumabas sa Showbiz Central kahapon, kinumpirma ni Pambansang Kamao Manny Pacquiao ang kuwentong nanaginip siyang kinausap siya ni Lord kaya nu’ng una’y nasabi niyang gusto na niyang huminto sa pagboboksing dahil hindi ito naaayon sa nasusulat sa Bibliya.

Ayon kay Cong. Manny, “Nanaginip ako, nanaginip ako about God. Siyempre, sa pagboboksing ko, ang boksing, eh, sakitan sa isa’t isa ‘yan. siyempre, nag-iisip tayo na ilang laban na lang. The most is siguro, mga tatlo pa.

“Hindi ito ang last fight ko, may ilang laban pa ako. At hindi naman sinasabi na kinausap ako ng Panginoon at ayaw niya akong pagboksingin. May trabaho tayo na dapat gampanan sa taas ng ring. Nothing personal. Ipine-pray ko naman din ‘yung kalaban ko.”

Hala! Si Lord nga kaya ang nagpakita sa panaginip ni Cong. Manny na nagsabing hindi naman bawal ang boksing? Hindi kaya ibang ‘lord’ ‘yan?

Hahaha! Nagtatanong lang po. Trabaho lang, walang personalan!

Share and Enjoy

• Facebook • Twitter • Delicious • Digg • StumbleUpon • Add to favorites • Email • RSS

Sa pagmamatigas sa BIR, Manny Pacquiao, maaaring makulong ng 2 years.

BRT — Sat, 17 Mar 2012 14:56:46 +0000

MAAARING makulong ng dalawang taon si Saranggani Rep. Manny Pacquiao kapag napatunayang guilty ito sa kabiguang makapagsumite ng mga dokumentong hinihingi sa kanya ng Bureau of Internal Revuew (BIR).

Matatandaang kinasuhan ng contempt si Pacquiao ng BIR dahil sa hindi umano nito pagsunod sa utos na dalhin sa ahensiya ang mga kailangang dokumento sa kanyang mga pag-aaring kumpanya.

Kaugnay nito, lumabas naman ang balita na ang naging hakbang ng BIR ay dahil sa pinag-iinitan lang umano siya ng administrasyon na itinanggi naman agad sa Malacañang.

Share and Enjoy

• Facebook • Twitter • Delicious • Digg • StumbleUpon • Add to favorites • Email • RSS

Pacquiao, pagreretiruhin ni Roach kapag nawala ang Killer Instinct

Mateo Culalic — Fri, 24 Feb 2012 11:22:51 +0000

AMINADO si boxing coach Freddie Roach sa pagpapanibagong estado ng buhay ni Filipino boxing champ Manny Pacquiao at ito ay ang palakasin ang pananampalataya sa Diyos.

May nalalapit pa namang laban si Pacquiao at baka magkaroon ng sagabal sa pagitan ng pakikipagsagupa at pagka-Kristiyano niya laban kay Timothy Bradley.

Baka lamang umano, ayon kay Roach na ang malalim na ugnayan sa relihiyon ni Pacquiao ay makasagabal sa tsansa niya sa ring at alanganin nang saktan ang kalaban.

“I haven’t seen Manny yet, but I know he’s got a very strong faith in God,” aniya sa USA today. “But I haven’t seen him, so I haven’t seen any changes or anything like that.”

Higit nang dekada ang samahan nina Roach at Pacquiao at aniya, baka mawala ang killer instinct ng kanyang alaga.

Kapag nangyari iyon, sinabi ni Roach na pinapayuhan niya si Pacquiao na magretiro na.

“We’ll get ready for the fight. If it it’s not there, it’s not there, and I’ll probably tell him to retire,” aniya.

Sa kabilang banda, sinabi ni Roach na posibleng ang relihiyon ang makatutulong para mamotiba si Pacquiao sa boxing.

“Getting rid of some of those things in his life could be a blessing,” ani Roach.

“Too many distractions is not good, so the fewer distractions, the better off he will be.

“Hopefully, he’ll pick some better friends there, too.” Nakatakda si Pacquiao na depensahan ang kanyang WBO Welterweight title kay Bradley sa Hunyo 9.

Share and Enjoy

• Facebook • Twitter • Delicious • Digg • StumbleUpon • Add to favorites • Email • RSS

Banned For Life sa IBF si Luis Lazarte

Ed Panti — Sat, 18 Feb 2012 21:06:57 +0000

BANNED for life sa International Boxing Federation si dating world junior light flyweight champion Luis Lazarte makaraan ang post-fight laban kay Johnriel Casimero at pagwagian ng Pinoy ang interim world kung saan binantaan pa ni Lazarte si American referee Eddie Claudio bang bawasan siya ng puntos sa foul-infested bout sa Mar del Plata noong Pebrero 11.

Sa liham ni IBF President Daryl Peoples sa pangulo ng Argentine Boxing Federation Osvaldo Bisbal, ” There is one measure that we are talking into our hands and that we will enforce. As a result of Luis Lazarte threatening the life of referee Eddie Claudio while receiving a points deduction in the sixth round, Lazarte is banned from being involved in any capacity in any IBF related fight that takes place in Argentina or around the world.

Sinabi ni Peoples, “I believe that I do not have to express to you that Lazarte’s threat to Claudio, which can be clearly heard in the telecast, is completely unacceptable, should not be taken lightly and merits punishment. Behavior of this nature by a fighter is not and will not be tolerated by the IBF.”

Samantala, tama lamang umano ang disiplina at disenteng ipinakita ng team ni Johnriel Casimero bagamat kinuyog ng riot pagkaraan ng kanyang panalo sa Argentina.

“Yes, we should do that…Will relate it to the Board immediately,” ani Tamano nang bigyan niya ang promoter na sina Sammy Gello-ani at trainer Christopher Tepura ng special citation ng GAB dahil sa kanilang pagiging sport, disente at disiplina bilang Filipino habang kinukuyog sila ng Argentinians at gustong gulpihin si Casimero at kanyang team.

Kumilos na rin ang chairman ng GAB na si Monju Guanzon at nakipag-ugnayan na sa Argentinian Boxing Federation para paimbestigahan kung paano nagsimula ang riot.

Tinalo ni Casimero si Lazarte sa 10th round ng kanilang 12-round fight para masungkit ang interim IBF Light flyweight title sa Mar de Plata, Buenos Aires, Argentina.

Mga bote at silya ay ibinato sa ibabaw ng ring matapos ang laban at saka nagsampahan ang mga fan ni Lazarte at sinimulang upakan sina Casimero, Gello-ani at trainer Tepura.

Nakapagtago agad at nakaiwas si Casimero tungo sa pinakaligtas na lugar ng Club Once Unidos upang maiwasan ang galit ng Lazarte fans.

“Idol talaga nila si Lazarte. Naiintindihan ko ang kanilang sitwasyon dahila natalo ang idol nila. Napatawad ko na sila,” ani Casimero sa Filipino media nang dumating kamakalawa sa bansa.

Ang bagong boxing champion ay dumiretso sa kanyang bayan sa Ormoc City upang dalawin ang burol ng kanyang nakababatang kapatid na namatay dahil sa sakit sa puso bago siya umalis patungong Argentina.

Share and Enjoy

• Facebook • Twitter • Delicious • Digg • StumbleUpon • Add to favorites • Email • RSS

Cotto matapang na haharap kay Mayweather, Jr.

Mateo Culalic — Tue, 07 Feb 2012 19:05:39 +0000

PINURI ni Floyd Mayweather, Sr. si Puerto Rican boxer Miguel Cotto dahil nagkaroon ito ng tapang para harapin ang kanyang anak na si Floyd Mayweather, Jr. Pinili ni Cotto na harapin si Mayweather, Jr. para sa junior middleweight division sa halip na magkaroon ng rematch kay Filipino boxer Manny Pacquiao sa welterweight.

Sinabi ni Mayweather, Sr. na sa pagkasa sa naturang laban, ipinakita ni Cotto na hindi siya takot sa anak nito, “Here’s the thing about Pacquiao, he’s scared,” ayon kay Mayweather, Sr. sa Boxing Scene. “Cotto is not”.

Idinagdag niya na inaasahan niya ang magandang laban sa pagitan ng anak niya at ni Cotto, ang WBA Junior middleweight champion ngayon. “I think, it’s going to be a good fight,” ani Mayweather, Sr. “I don’t think the weight is going to be an issue. You see Pacquiao is a small guy, so he is going to try to get Cotto to come down as much as possible,” “In terms of skill, I have to go with my son to beat Cotto, but anything can happen in that fight.” dagdag niya.

Nagkomento rin si Mayweather, Sr. sa nabigong negosasyon sa pagitan nina Pacquiao at Mayweather, Jr. at aniya, nag-alibi na naman umano ang Filipino champ. “That whole thing with Floyd. Jr rejecting the 50-50 split was just their excuse to avoid the fight. Pacquiao knows the day he fights Floyd is the day his career is over,” aniya.

Share and Enjoy

• Facebook • Twitter • Delicious • Digg • StumbleUpon • Add to favorites • Email • RSS