BULGAR » National

Sure na sure nang tatalunin si Lim. Erap, nagpramis kay Vice Isko na siya ang papalit bilang Mayor

Arthur B. Quinto — Sun, 13 May 2012 16:20:15 +0000

SA Maynila na nga nakatira ngayon si dating Pangulong Joseph Estrada para matugunan ang isyu ng residency sa pagtakbo niyang mayor sa nasabing lungsod sa 2013. Totoo kayang P80 milyon daw ang pagkabili niya sa bago niyang bahay sa Maynila.

Pero hindi naman nababahala rito si Mayor Alfredo Lim. Alam niyang maraming nagmamahal sa lehitimong Manilenyo sa kanya. Kahit ang Chinatown ay kanyang kanya sa pagiging Filipino-Chinese niya.

Kinuhang vice-mayor ni Erap si Isko Moreno at pangakong ito ang tiyak na hahalili sa kanya oras na hindi na siya ang mayor ng Maynila. Parang nakakasiguro na siyang magiging next Manila mayor siya.

Alam ng mga taga Maynila kung bakit ayaw ni Erap na tumakbong mayor sa San Juan na siyang dapat. Kasi si Guia Gomez ang nakaupo at may nakaraan sila at pinagsamahan. Paano nga niya ito kakalabanin? Kaya, Maynila ang tinarget niya.

Share and Enjoy

• Facebook • Twitter • Delicious • Digg • StumbleUpon • Add to favorites • Email • RSS

Kaya nakipag-break si P-Noy, nabuking na may kahati kay Grace na batang chinese businessman

Mercy Lejarde — Sun, 13 May 2012 15:15:35 +0000

DAHIL sa pagdyo-joke-joke ni Pangulong Noynoy Aquino tungkol sa kanyang love life, ayan, pumutok na ang isyung break na raw sila ng Korean DJ-TV host na si Grace Lee.

At ang bilis talaga ng mga kaganapan, dahil matapos namang sabihin ni Grace na ang pangulo na lang daw ang tanungin sa balitang breakup nila, lumabas at kumalat na sa internet ang picture ni Grace kasama ang isang Chinese businessman na di hamak na mas bata kay P-Noy at Sherwin Heng daw ang namesung.

Ito raw (take note, raw, ha, raw!) ang sinasabing dahilan ng hiwalayan-ek nina P-Noy at Grace, dahil nalaman daw kasi ng kuya ni Kris Aquino na bukod sa kanya ay may iba pang idine-date ang Koreal girl.

Eh teka… baka hindi naman ang nabuking ni P-Noy na may ibang idine-date raw si Grace kaya may “LQ” sila kundi dahil Chinese ang guy na kalahi ng mga Tsinong nagke-claim sa Scarborough Shoal. May konek, ‘devah?

Parang insulto nga naman, tsuk!

Share and Enjoy

• Facebook • Twitter • Delicious • Digg • StumbleUpon • Add to favorites • Email • RSS

Pilipinas sinisindak at pinagbantaan sa Scarborough Shoal, China game makipag-giyera

Julius C. Babao — Mon, 30 Apr 2012 07:51:09 +0000

ANG pagtanggi ng China na ayusin ang pag-usapan ang isyu ng Scarbourough Shoal sa isang international forum ay nagpapatunay lamang na mahina ang kanilang laban kung legal na isyu ang pag-uusapan.

Ilang beses nang niyayaya ng Pilipinas ang China na ayusin na lang ang problema sa International Tribunal for the Law of the Sea o ITLOS o sa United Nations Convention on the law of the Sea o UNCLOS na pawang neutral naman sa isyu subalit, tumatanggi ang China.

Sa halip na makipagtulungan, tinatakot pa ng China ang gobyerno ng Pilipinas sa pagsasabing nakahanda silang makipaggiyera kung kailangan. Ang Pilipinas naman, lumalapit sa kanyang big brother na si Uncle Sam na mukhang tutulong naman sa bansa sakaling mauwi sa madugong komprontasyon ang lumalalang isyu.

Saubalit kailangan pa bang mauwi sa giyera ang problemang ito? Kung gagamitin lang ng China at ng Pilipinas ang kanilang common-sense, ‘di tapos na ang problema!

Ang Panatag Shoal o Scarborough Shoal ay may layong 124 nautical miles mula sa Zambales. Ang lugar ay nasa loob ng 200-nautical mile na exclusive economic zone ng bansa, ayon sa UNCLOS kung saan signatory ang China at Pilipinas.

Ang Scarborough Shoal ay may layo namang 500 nautical miles mula sa Hainan, China. Kung pagbabasehan natin ang mga pigurang ito, saang bansa mas malapit ang Scarborough Shoal? Sa Pilipinas ba o sa China?

Sa palagay natin, kahit ang isang batang nasa kindergarten ay kayang-kayang sagutin ito. Ang tawag riyan ay logic o common-sense. Malinaw na kasuwapangan ang namamayani sa China para angkinin ang lugar na malinaw na pag-aari naman ng ating bansa. Sinusubukan nila kung hanggang saan tatagal ang pisi ng Pilipinas dahil alam nilang kayang-kaya nilang i-bully ang maliit na bansang ito.

Hinding-hindi susuko ang mga ‘yan dahil mukhang ang layunin nila ay maangkin ang malaking bahagi ng economic zone ng ibat’ibang bansa sa Asya at magdomina ng rehiyon.

Bago dalhin ang usapin sa Estados Unidos, mas makabubuti para sa Pilipinas na isangguni muna ang problema sa Association of Southeast Asian Nations o ASEAN para matutulan ang ginagawa ng China dahil maraming rehiyon dito ang apektado.

Share and Enjoy

• Facebook • Twitter • Delicious • Digg • StumbleUpon • Add to favorites • Email • RSS

Iniwan ng Misis, pera, alahas, titulo ng lupa, nawala. OFW nagbaril sa dibdib, Patay!

Mylene Gregorio — Fri, 27 Apr 2012 18:23:04 +0000

INIWAN na ng asawa, nawala pa ang lahat ng pera, alahas at titulo ng lupa na pinaghirapan sa pagtatrabaho sa abroad kaya naisipan ng isang 37-anyos na magbaril sa sarili, kahapon sa Pandacan Manila.

Wala ng buhay ng abutan ng kanyang ama, ang biktimang si Elpidio Malicse, Jr. residente ng 2635 Jesus Ext. Pandacan, Manila na nagbaril sa dibdib.

Ayon kay SPO3 Rodel Benitez, bandang 5:00 ng umaga nang matagpuan ang bangkay ng biktima sa ikalawang palapag ng bahay nito.

Nakuha naman malapit sa biktima ang kalibre 45 na ginamit umano nito sa pagpapakamatay.

Batay sa imbestigasyon, noong nakaraang linggo nang magkaroon umano ng hindi pagkakaunawaan ang biktima at misis nitong si alyas Aida bago siya iwan ng huli.

Matapos nito, natuklasan pa ng biktima na nawawala na ang kanyang pera na kinita sa pagtatrabaho sa Australia at kanyang bank book.

Kung saan lalo pa umano nitong nakadagdag sa depresyong dinaranas ng biktima dahilan para magpakamatay.

Patuloy naman ang imbestigasyon habang hinihintay ang paglutang ni Aida upang hingian ng pahayag kaugnay sa insidente.

Share and Enjoy

• Facebook • Twitter • Delicious • Digg • StumbleUpon • Add to favorites • Email • RSS

China matigas, bastusan talaga ang gusto sa usaping Scarborough Shoal ng Pilipinas

Ms. Korina Sanchez — Fri, 27 Apr 2012 16:40:49 +0000

Nagsalita na ang China tungkol sa paghikayat ng Pilipinas na dalhin na lang ang isyu ng pag-aangkin sa Scarborough Shoal sa isang International Court para maging patas ang laban, Idaan sa kung anong nakasaad sa batas.

Pero ang matigas na sagot ng China, hindi! Hindi raw nila dadalhin ang isyu sa isang pandaigdigang hukuman. Sa madaling salita, mas gusto nilang idaan sa takutan, panduduro at paninindak dahil malinaw na lamang sila sa aspetong iyon. Gusto lang maging maton!

Alam siguro nila na wala talagang basehan ang pag-aangkin nila sa Scarborough Shoal, batay sa United Nations Convention on the Law of the Sea (UNCLOS). Makikita na may karapatan talaga ang Pilipinas na angkinin ‘yung nasabing lugar sa dagat dahil na rin sa Exclusive Economic Zone (EEZ) ng bawat bansa.

Pasok ang Scarborough Shoal sa loob ng EEZ ng Pilipinas, na napakalayo naman sa China at nagmamatigas. Walang makapagsasabi kung ano na ang sunod na hakbang para naman hindi lumala ang sitwasyon na sa ngayon ay tensiyunado na nang husto!

Share and Enjoy

• Facebook • Twitter • Delicious • Digg • StumbleUpon • Add to favorites • Email • RSS

Palasyo, waiting sa suporta ng United States sa isyu ng na naganap stand-off sa Scarborough Shoal

Aileen Taliping — Sat, 21 Apr 2012 09:26:28 +0000

UMAASA ang Malacañang na maglalabas ng statement of support ang Estados Unidos pabor sa Pilipinas sa isyu ng naganap na stand-off sa Scarborough Shoal sa pagitan ng Pilipinas at China.

Ayon kay Presidential Communications Group Sec. Ricky Carandang, bilang kaalyadong bansa, malaking bagay para sa Pilipinas kung maglalabas ng pahayag ang gobyernong Amerika.

Naging kapansin-pansin ang pananahimik ng Amerika sa umiinit na tensiyon sa pagitan ng Pilipinas at China dahil sa naganap na stand-off.

Gayunman, hindi naman umano pinipilit ng gobyerno ang Amerika sa mga ganitong sensitibong isyu.

Samantala, sa kabila ng pagiging dehado ng puwersa ng gobyerno sa puwersa ng China, suportado ng ibat’ibang grupo at mga dating opisyal ng military ang tropa ng pamahalaan sa ginagawang pagbabantay sa soberaniya ng Pilipinas.

Batay kay Bureau of Customs Deputy Comm. Danilo Lim, isa ring dating heneral, sinusuportahan at hinahangaan nito ang determinasyon ng mga sundalong Pinoy dahil hindi nagpasindak sa pambu-bully ng Chinese Navy.

Share and Enjoy

• Facebook • Twitter • Delicious • Digg • StumbleUpon • Add to favorites • Email • RSS

Mag-asawang Arroyo, Not guilty sa ZTE-NBN Deal na kaso ayon sa Sandiganbayan

Aileen Taliping — Sat, 14 Apr 2012 08:44:24 +0000

BINASAHAN na ng sakdal sina dating Pangulong Gloria Macapagal Arroyo at kabiyak na si Atty. Mike sa Sandiganbayan kaugnay sa kontrobersiya sa naibasurang kontrata sa ZTE-NBN deal.

Sa ginagap na arraignment ay naghain ng “not guilty” plea ang dating Pangulo at ni Atty. Mike, kasama si dating Commission on Elections Chairman Benjamin Abalos.

Samantala, hinimok ng Malacanang ang publiko na bantayan at subaybayan ang paggulong ng hustisya sa kasong katiwalian ng dating first couple na nakasampa sa Sandiganbayan.

Ayon kay Deputy Presidential Spokesperson Abegail Valte, mahalagang masubaybayan ng publiko ang gagawing pagdinig sa kaso para mailabas ang katotohanan sa kuwentiyunableng binawing kontrata sa ZTE-NBN deal.

Bukod sa kasong graft, akusado rin si Ginang Arroyo sa electoral sabotage na nakahain sa Pasay City Regional Trial Court.

Share and Enjoy

• Facebook • Twitter • Delicious • Digg • StumbleUpon • Add to favorites • Email • RSS

Dahil sa non-stop na reklamo ng OFWs, POEA at OWWA Officials tagilid kay P-Noy

Aileen Taliping — Sun, 08 Apr 2012 00:42:03 +0000

NANGANGANIB masibak ang mga opisyal ng dalawang ahensiyang nangangasiwa sa mga overseas Filipino worker kapag hindi umano maiayos ang reklamo ng mga OFW ayon kay P-Noy.

Matapos makarating kay Pangulong Noynoy ang reklamo ng mga OFW sa Cambodia laban sa mga nagpapatakbo sa Philippine Overseas Employment Administration (POEA) at Overseas Workers Welfare Administration.

Ipinarating ng mga ito ang umanoy pahirapang proseso sa pagkuha ng overseas certificate at ang pagkawala di-umano ng kanilang mga benepisyo sa OWWA kapag hindi nakauwi sa bansa sa loob ng dalawang taon.

Ayon kay P-Noy, mayroong ginagawang aksiyon ang dalawang ahensiyang nabanggit subalit, kung hindi pa rin maging maayos, maghanap sila ng matinong magpapatakbo rito.

Kinausap na ng pangulo ang mga opisyal ng POEA at OWWA para ayusin at tingnan ang reklamo ng mga OFW

Share and Enjoy

• Facebook • Twitter • Delicious • Digg • StumbleUpon • Add to favorites • Email • RSS

Kung ang Japan, palaban sa ilulunsad na rockets ng NK, ‘Pinas ipapatupad na lang ang “No-Fly Zone”

Vyne Reyes — Wed, 04 Apr 2012 07:47:05 +0000

KUNG tototohanin ng Japan ang kanilang banta na pasasabugin ang anumang rockets na ilulunsad ng North Korea basta pumasok sa kanilang air space, aminado naman ang pamahalaan ng Pilipinas na walang kakayahan ang bansa na mapigil o ma-monitor man lang ang nakatakdang paglulunsad nito sa Abril 12 hanggang 16.

Kaya naman, napagkasunduan na lang ng iba’t ibang ahensiya na ipagbawal ang pagbiyahe ng mga eroplano, barko o ng mangingisda sa mga lugar na maaapektuhan ng nasabing aktibidad.

Batay sa inter-agency meeting na isinagawa, inamin ng Civil Aviation Authority of the Philippines (CAAP) Air Traffic Controller Ferdinand Tienzo na walang sapat na kagamitan ang bansa para mamonitor man lang ang pinangangambahang missile launching ng North Korea. Aniya, sakaling matuloy ang rocket launch, maaapektuhan ang mahigit sa 20 international flights sa mga araw na nabanggit.

Kaya suhestiyon na lamang ni NDRRMC Exe-cutive Director Benito Ramos na kung ganito ang problema, walang ibang mapagpipilian ang bansa kundi ang ipatupad ang ‘no-fly zone’ sa bahagi ng Pacific Ocean, Sta. Ana sa Cagayan at Polilio Island sa Quezon Province upang makaiwas sa problema.

Share and Enjoy

• Facebook • Twitter • Delicious • Digg • StumbleUpon • Add to favorites • Email • RSS

Bumabatak daw para manatiling gising, 6 Bus drivers, positive sa droga suspindedo ng LTO

BRT — Wed, 04 Apr 2012 07:16:33 +0000

ANIM na bus drivers ang sinuspinde ng Land Transportation Office (LTO) ng anim na buwan matapos magpositibo sa paggamit ng ipinagbabawal na droga sa isinagawang sorpresang pagbisita sa Araneta bus terminal sa Cubao, Quezon City at sa Cebu bus terminal.

Ayon kay LTO- Law Enforcement Section director Edgar Cabase, agad nilang kinumpiska ang drivers license ng mga ito.

Kaugnay nito, tumanggi si Cabase na tukuyin ang mga pangalan ng bus drivers habang isinasagawa ang imbestigasyon.

Samantala, ilan sa mga nahuling drayber ang umamin sa paggamit ng ilegal na gamot upang manatili umanong-gising sa kanilang mahabang biyahe.

Share and Enjoy

• Facebook • Twitter • Delicious • Digg • StumbleUpon • Add to favorites • Email • RSS